軟件
一個安裝簡易快捷嘅耳機軟件可以係官網上面搵到,尤其當你想用盡佢嘅性能果陣,就一定要裝啦!!
軟件嘅首頁就係一d最基本嘅音量調節功能~ 但當你係個”Speaker”圖示上面噤右鍵果陣,神奇嘅事發生啦!! 一個多功能嘅隱藏menu走左出黎!
以下就有幾個小編覺得特別d嘅隱藏menu功能想介紹下嘅:
Equalizer:
鍾意自己較EQ嘅人一定走唔甩去呢版慢慢玩,就住隻耳機黎tune,就會搵到你心目中想要嘅音頻突出同凹陷模式,小編係一個BASS控,當然推起低頻位啦~
Viper Surround Max:
開左呢個立體聲功能之後,你係會感受到一個由Patriot設計嘅虛擬音場,增加你對聆聽音樂嘅現場感~
RGB settings:
一定唔少得當然係RGB四式啦,呢到你想點玩都得,簡返一套襯你機又襯你衫嘅色啦!! 直播Selfie都要靚靚豬架嘛!!
後感及總結
五舊幾水有咁多野玩又爆BASS又EQ又環迴音場又RGB又靚仔其實真係幾抵架~ 小編最鍾意係佢做到嘅BASS真係幾非一般地重,而且佢咁貼心嘅布棉質耳蓋真係令小編感覺好窩心!! <3
其實唔止RGB令佢搶眼,佢嘅非一般重BASS係真係幾上腦同震撼,真係Physically震到我個人,不過未必去到專業入耳耳機咁清析,但玩高分析力同鑑聽嘅都唔會走黎gaming呢邊啦,所以對象係唔同嘅,佢嘅震撼的確係入耳耳機俾唔到嘅~
至於software入面真係有幾多野可以俾你玩下~ 如果你係追求音質嘅,不妨花多少少時間落個EQ到,最終係會俾到你想要嘅效果你嘅~ 尤其五舊幾貨仔玩到已經真係好好~
鑑於佢嘅外觀靚仔,質地硬淨,設計體貼,BASS夠震撼,軟件多花款,同埋緊係唔少得乜都要RGB嘅情況下,我地係俾個Like佢嘅,V370係上到我地嘅Editor’s Choice榜嘅~!!
更多圖片
多謝觀看
發表迴響