睇得又做得,華麗上陣!Dell XPS13變身平板電腦係咩玩法?!

其他值得一提之處:

被動散熱:

由於用上TPD只有4.5W ge Intel Core I7-7Y75 CPU,所以呢部用鋁合金外殼製ge XPS13只需要用被動散熱就已經可以讓CPU保持最佳運行狀態~

冇散熱孔同風扇ge被動散熱其實唔止可以降低運作聲噪,仲可以減少機體內部入塵ge問題,延長機體壽命!!

 

 

小編仲做左個小測試,試下如果用LinX0.6.5幫粒CPU行最複雜,為CPU帶黎核心溫度最高ge AVX指令集ge時候,CPU又會唔會高溫到降頻呢?

結果真係好理想,當時室溫相信有28度,其實當時部機已經俾小編使用左一段時間,包括進行各重安裝等需要CPU運算ge作業,鋁合金外殼ge散熱溫度都應該飽和左,再行幾次測試,最後用Real Temp測試溫度下發現,最高核心溫度都只有80度,並未超出會降頻ge 100度,可以俾CPU仲維持係最高ge單核性能3.6Ghz之下長期運作,可以話係令人安心又鼓舞~

 

指紋感應器:

指紋感應該的確係可以為用家增加一個又方便,又安全ge登錄方式。但係設計方面,清一色黑色ge機體底色同感應器,都可能會令玩家係黑色之中難以搵到佢ge存在…

不過,表面質感方面的質係有分別,碳纖表面係比較橡膠touch,而感應器係有比較平滑ge質感,所以只要大約記得個感應器係係右面鍵盤↓箭頭鍵下方的話,都好易摸得到位ge!

 

前鏡頭:

其實前鏡頭都係普遍手提電腦會使用ge 720p鏡頭,但值得注意ge係佢放置ge位置,其實都處於比較低ge位置,影出黎ge人像效果其實小編自己覺得就唔係太理想,因為會影住你個下巴,同埋你平時好好隱藏果幾個下巴,仲有包包面,仲有一堆可能你留係下巴冇清理到ge… 都係唔講咁多lu>_>”

 

I/O接頭:

作為一部平板電腦,USB頭未必係個must,但如果呢部機仲可以當一部普通laptop使用ge話,咁得兩個USB Type-C又未免太少太Redundant啦,起碼都應該俾返兩個USB Type-A大頭我,無論你係放係後面定側面都好,不過可能會需要付出再厚一D ge機身代價~

機身左邊除左USB Type-C頭之外,仲可以見到有個3.5mm headphone jack,支援3段連數位microphone插的,姐係手提電話耳機插入都可以用線上面ge Microphone收音~

再落少少有一粒制同5點光點ge位置就係,粒制可以俾你按可以係5點燈上檢視電池剩餘量,5點為之滿~

機身右邊可以見到另一個USB Type-C頭,仲有一個micro-SD卡插槽,方便攝影人士係唔用讀卡器ge情況下快速讀取讀寫速度比較快ge micro SD卡。除此之外,大家可以係再落少少ge地方面到一個長圓方體ge制,呢個就係開關制,亦都可以係Windows電源選項之中調教你心目中想要呢粒制提供咩功能,例如「鎖上」,「睡眠」,「關機」,或者「不進行動作」。

跟機其實仲送左個USB Type-C轉USB 3.0 Type-A轉頭,方便用家插USB隨身碟之用,或者其他用途~

電源方面,可見I/O果到再冇圓頭電源插位,而家都轉位便用較為常見及日漸普遍ge USB Type-C插頭作供電輸入~

 

數碼領域

寵物友善 Arlo 智能攝影機 讓您感到安全又放心

數碼領域
2024-03-27 0
寵物友善 Arlo 智能攝影機   讓您感到安全又放心 Arlo Essential 室內攝影機 (第二代)提供2K視頻、130 度視野範圍,夜視功能和雙向音頻   將寵物留在家可能會感到擔心,特別是當您外出旅行時。寵物主人常常想知道應選用哪種攝影機來監視他們的毛孩子最為合適,室內攝影機可 ...

SAP與NVIDIA攜手加速推動全球企業應用生成式AI

數碼領域
2024-03-19 0
SAP與NVIDIA攜手加速推動全球企業應用生成式AI 客戶可利用 NVIDIA AI Foundry 和全新NVIDIA NIM的大型語言模型 (LLM) 釋放SAP雲端解決方案中業務數據的潛力 SAP和NVIDIA宣佈擴展合作夥伴關係,共同協助企業客戶加速在 SAP雲端解決方案和應用中發揮數據和 ...

Be the first to comment

發表迴響

這個網站採用 Akismet 服務減少垃圾留言。進一步了解 Akismet 如何處理網站訪客的留言資料