總結:
效能及品質上,呢批RAM的而且確係極為罕見之餘仲要高品質,比起他牌4133之下最低CL值都只係C19黎講都仲要略勝一籌,頻寬的而且確係幾誇張地大,要餵飽一粒未超,甚至超左頻嘅主流平台CPU例如I7-7700K都的確卓卓有餘嘅~
但如果你問小編值唔值得去買,咁就真係要考慮下以下需要啦:
- DDR4效能超過3200Mhz以後,實際作用增長因頻寬過剩而放緩
- 延遲值的重要性,的確愈高檔之的模組,就算降頻至3000Mhz,也可以做到CL13-13-13-33嘅極低延遲值
- 主機板相容性,唔係隻隻主機板都支援呢個速度,尤其唔係標榜極致超頻嘅
- 容量上的限制,唔止對RAM稀有再加只有8GB一條,加上如果用Apex呢類只有兩RAM槽嘅主機板,整體RAM容量可能只係限制係16GB,雖然好足夠日常使用,但對於好似小編呢D會用32GB RAM入面的20GB做RAMdisk黎做暫存平台嘅話就少左選擇
- 追求力,包括配套,對超頻概念嘅認識,同埋「荷包之力」
如果係為左追極致配套,小編真係會好似今次咁為左批RAM而一擲千金落去買Apex又再買個Phantek Enthoo Evolv機箱黎組裝,為嘅只係跑得起呢套RAM再跑分黎滿足一下極致體驗嘅感覺,反之,如果為滿足日常運作之用或保存「荷包之力」的話,相信大家都會覺得3000C15都已經可能滿足到,但不得不讚嘅真係呢批RAM嘅品質,高速及低延遲真係值得一讚,為左達到呢個境界,其實就算要花費都係值得去嘅!
謝謝收看~
發表迴響