短小精幹,為ITX高效小巧能平台而生Zotac GTX 1080Ti Mini開箱!!

後感

Zotac進取嘅價格同埋貼心嘅5年保係令小編一直將Zotac呢個品牌放係心目中較高嘅位置嘅主要原因~

近幾代仲要出埋Mini版去迎合我地呢d鍾意砌精巧組裝機嘅用家,真係不得不想幫佢標籤為年度最佳品牌之一~

有人可能會去諗細嘅有好多唔好處,例如係散熱部份,但其實尤其因為香港嘅土地問題,一來想砌強悍ITX嘅用家一定大有人在,而且有幸於Nvidia係今代將顯卡功耗控制得愈黎愈好,加上AIO Gaming PC,小巧HTPC,盒裝式嘅Gaming PC嘅推廣,細卡其實真係一個走唔甩嘅趨勢~

坦白講,你唔係7×24咁去掘礦full load張卡(掘礦你都唔砌ITX啦),又會開G-Sync, V-Sync之類令張卡唔會長期Full load,又唔係太多人真係三隻4K mon咁推,再加上最重點係小編test過係一個咁嚴苛嘅環境下粒GPU只係去到84度max,仲要唔係長期,3DMark圖表亦都顯示冇thermal throttle,真係已經屬於表現好好嘅一員黎啦~

再加上小編一直有個諗法就係,既然我都用緊自組水,又想砌細卡,不如加個通用式GPU冷頭落去,又涼又慳返,再加上Zotac真係好正中下懷咁俾左雙8Pin我係水冷環境之下去超起張卡,實在係集N優勢於一身,所以小編真係建議有興趣好似小編咁做嘅用家不妨投資落呢張Zotac 1080Ti mini落去組裝你嘅夢幻水冷超頻高效小巧組裝機呀!!

謝謝觀看!!