嶄新設計, 為強悍耐久而生, Gigabyte Aorus GTX1080 Ti Xtreme Edition

今次小編要同大家介紹ge呢張beast like graphic card就係由Gigabyte出品ge Aorus GTX1080ti Xtreme Edition, 一張對於技嘉黎講係屬於今期皇牌ge旗艦級ge顯示卡~

老實講,小編從來覺得世事唔係量多,又多又長就夠,成功ge關鍵係在於細節,至於今次小編敢覺得Gigabyte Aorus GTX1080ti Xtreme Edition算係一個成功ge設計究竟有咩關鍵ge設計? 一齊黎探討下~

姐係從呢張Test bench上面插住ge Aorus GTX1080ti就可以見到其實佢都幾巨型下,厚度接近3槽,唔止3風扇,長度都已經比一塊標準ge ATX底板ge闊度長,可以剩係散熱上ge用料已經好用心,好充足~

再者,散熱唔係heatsink夠大舊,風扇夠多就效果好架wo! 重量都要重質,而Gigabyte今次就放左好多心機落去呢份散熱設計到,甚至呢張旗艦級ge Aorus GTX1080ti,可以藉住呢份設計優良ge散熱,藉住夠低ge運作溫度,係一個用料豐富ge自家設計供電ge PCB之上,將一粒功耗250W以上,擁有3584 CUDA Core ge 16nm GP102-350 1080TI GPU ge極致效能完全解放,除左可以保持耐久ge高效運作之餘,仲可以締造更多更強勁ge超頻空間!!

先黎一個簡單ge開箱先:

包裝精美,印住Gigabyte最新設計ge Aorus鷹頭設計,熨膠紙盒可以讓用家安心唔怕風化及潮溼影響之下,將盒裝納入發燒友ge收藏及擺設列當中~

盒裝內容簡而精,一張硬身立體設計ge 3M雙面膠Aorus Logo貼紙一張,同埋一條雙6Pin轉單8Pin ge PCI-E電源線,接住落黎就係張卡ge真身~

設計與特點:

先睇一下張卡ge基本ge裝置同設計:

• 3x100mm風扇連RGB LED燈於卡面,側及背部,及底面亦有Gigabyte Aorus Logo,卡背Logo仲可以著LED燈添
• 1個Dual link DVI, 3個Display Port 1.4及 3個HDMI 2.0插,分別兩個位於卡背後一個於卡前端作配合機箱前置面版有VR專用HDMI伸延插頭駁至機箱內部顯卡
• 雙8PIN供電,可提供超過250W的PCI-E電源予PCB上的供電模組
• 卡背除左基本背板,GPU晶片背部仲搭載一塊銅板,為卡背晶片散熱,仲有直紋設計,可以讓從機箱前進入ge空氣流過為顯示卡帶走部份來自核心ge熱力

除左上述係顯卡市場上已經常見ge配備之外,主要令小編覺得刮目相看ge係有呢幾樣設計!!

• 3x 100mm風扇可能對一般人黎講係基本, 但同時間3把100mm風扇唔會令張卡ge總長度超過300mm,受惠於Gigabyte ge專利疊合扇設計,而且位於正中央的風扇旋轉方向與左右風扇相反,令鄰近的風扇風流導向同一方向,加倍風壓同減少擾流,藉此導引氣流有效地將廢熱從顯示卡的上下兩側排出,令整體解熱效能向上提升!
• 小編最喜愛ge耐久度及運作流暢度高ge滾珠軸承,令軸心承批因為夠平衡運作,降低軸心偏移同埋共振帶黎ge損耗而延長壽命
• 散熱鰭方面,今次算係獨家首創地擁有曲摺紋設計,可以讓空氣藉著風壓高ge風扇推動流過時與鰭片有最大ge接觸壓力,增強散熱速度同效率
• 5x複合式熱管設計,結合了傳統溝槽式和銅粉燒結式兩種熱管結構,透過流體以更快ge傳導方式導熱,讓熱源ge熱力得以快速排走,防止熱積存,對於好多發熱力高但面積狹小ge接觸面例如晶片黎講係好重要

最高及最低溫度測試:

係預設風扇轉速設定底下,其實可見顯示卡係理力測試超過5分鐘之後,係風扇未到達全速,正以約1600RPM轉速運作時,最高溫度只係達至攝氏69度,可見散熱力強勁可觀!

而且小編自己亦都試過將風扇轉速較至全速100%,壓力測試5分鐘後,最高溫度竟然只有攝氏49度,散熱力已經開始接近水冷效果,散熱威力真係驚人!! 而且風扇聲噪方面,以小編高要求ge角度黎講,依然係覺得係一個非常之可以接受ge範圍之內,其實敢講算係寧靜,絕無半點噴射機ge情況發生,真係幾令小編為之心動!

Nvidia 10系顯卡ge各項主要規格比較: