後感
以一部屬於高階性能嘅一體式主機黎講,論外觀造形觀,一向走高端型格路線嘅ASUS ROG系列嘅贏面一直都好大,今個世代嘅主機更加以RGB黎點綴,可以令高階平台主機甚為玩家愛戴~ 解剖之後睇到Samsung記憶體以及Intel SSD,仲有自家Custom設計嘅PCB同埋組裝技術,都可以係組件方面都可以睇到ASUS嘅用心~
一體式機俾人印象可能係性能有限,托展性有限,易積熱等嘅局限性問題~
但其實諗深一層,現階段嘅科技發展已經可以好滿足到日常應用所需,尤其最樽頸成套系統嘅硬碟都隨住各重高階嘅SSD面世起已令整體使用體驗比幾年前仲係用緊傳統硬碟嘅系統感覺有好實際嘅提升~
至於升級,除左顯示卡之外,基本上現今尤其ASUS GR8-II嘅每樣系統配備都已經好足夠一個普通玩家玩好幾年,再者如果你想換卡,你可能要換埋更高解析度嘅Mon先會睇到分別,因為某程度上先Nvidia嘅10系顯示卡面世以黎,效能都已經開始過剩~
加上CPU同GPU嘅製程進步,晶片嘅功耗都已經愈黎愈低,日常運作亦都好少會長期用盡一粒性能超卓嘅CPU,而且組件亦都有自己嘅高溫保護,所以基本上只要環境唔會好似沙漠咁惡劣,溫度其實已經唔再係問題~
至於呢部機會適合咩人去擁有呢?
如果你係想係有限空間之下托展無限嘅性能,又想要型格,彩光點綴,又可以唔想太費神去自己組裝一台又勁又細嘅PC嘅話,又想可以支援到你日常嘅1080p甚至1440p嘅極致遊戲體驗嘅話,而且又想可以有3年嘅無憂保養服務嘅話,相信呢部ASUS GR8-II I7-7700 GTX1060 3GB都會係你嘅不二之選~
謝謝觀看~
發表迴響