德國出品Alphacool Eisbaer 280大面積高效一體式水冷

Eisbaer,係德文入面嘅意思係指「北極熊」,亦即係我地今日嘅主角,由德國嘅Alphacool出品嘅一體式水冷。

「北極熊」亦都意味住極致嘅冰冷效果同時間擁有著高效運轉效能,呢個只係小編對北極熊嘅比喻感想咋~

藉住推出Eisbaer, Alphacool由組建水冷嘅基礎開始將一體式水冷市場全面革新。 傳統一體式水冷裝置一向都係一d可以稱得上係一次性,冇重灌,冇改裝,冇擴充性能嘅「即棄產品」,而今次Alphacool出品嘅”Eisbaer”係以模組化同埋可擴充設計推出嘅,唔止可以改裝,仲可以係有需要嘅時候重灌水冷液,改建水道重組都可以添!

亦即係話,”Eisbaer”唔止係一隻一體式水冷,仲係一隻可以同自組式水冷融合組裝,提供更強性能,更寧靜操作,遠比傳統一體式水冷強大!

如欲購買,請到以下超連結至Amazon:

Alphacool Eisbaer 280一體式水冷 – https://goo.gl/MYgizN

Alphacool Eisbaer 280一體式水冷 – https://goo.gl/EvAAud

 

一齊黎睇下Alphacool”Eisbaer”一體式水冷嘅規格~

 

特式與規格

技術規格:
水泵 (Alphacool DC-LT 2600 Ultra low noise Ceramic)
轉速: 2600RPM
電壓: 7-13.5V DC直流電
耗電量: 4W
最大流量: 70L/h
最大水推力高度: 0.85m

 

風扇(Eiswind 14):
軸承: sleeve bearing 套筒式軸承
電壓: 12V
電源插頭: 3-Pin
風扇轉速: 1100RPM (+/-10%)
吐風量: 62.31cfm / 106m3/h
風壓: 1.55mmH2O
聲噪: 29.4dB(A)

 

盒裝內容:

1x Alphacool Eisbaer 280 CPU水冷頭 – 黑色
2x Eiswind 風扇
1x Intel CPU插槽背板
1x Intel CPU插槽水冷頭扣具
1x AMD CPU插槽水冷頭扣具
PWM分流器
水冷頭組裝繫穩配件
1x散熱膏

 

係包裝入面,我可以留意到所有所需嘅水冷組裝組件。只需要一支螺絲批就可以完成整個組裝,假設如果你已經係機箱入面預留足夠空間的話,相信成個過程都唔洗5分鐘。

 

係套包裝入面,我地可以見到Intel同AMD嘅冷頭組裝組件。今次我地Review嘅sample入面呢就冇AM4冷頭組裝組件嘅,所以如果需要買的話,可以上www.aquatuning.de或者其他有提供嘅網站。

 

水冷排

Alphacool水冷排係用一個全紫銅為物料製造嘅水冷排。今次嘅水冷係由著名受眾用家所擁戴嘅Alphacool NexXxoS系列為基礎,同傳統嘅鋁製水冷排比較,全紫銅製嘅水冷排可以強效地提升散熱能力,同時間就算風扇轉速為寧靜模式,有一定厚度嘅全紫銅散地鰭片都可以有助高效地帶走熱能。

以上兩者優勢都可以確保“Eisbaer”水冷可以平衡於寧靜與效能之下發揮極致嘅散熱效能

其實係一體式水冷入面見到紫銅冷排都屬於罕見。本身咁嘅用料其實應該係出現係高端嘅自組水冷,但今次小編都會為見到紫銅用料出現係呢套一體式水冷中而感到期待又興奮!

 

水道

正因為用著具有彈性嘅PVC物料製嘅水管,組裝及設計水道嘅時候都可以好容易就令佢裝到入去理想ge位置。再加上有防折曲彈弓包圍住整套水道,水管都可以係屈曲嘅時候冇咁容易曲折而導致水流停濟。3分簿管嘅水道組件大小都已經係自組水冷界被廣泛應用,所以係好適合擴充同改裝架!

可以見到水道上面有著高端嘅設計,仲有防曲折彈弓,簡約又實用,唔錯唔錯~

 

特色之處

講到擴充性方面,大家可能已經留意到,水道上面係有Alphacool嘅「快拆式」接頭設計,可以讓用家好輕鬆就可以將套水冷連接上顯卡水冷,甚至其他冷排上面!

而且Alphacool“Eisbaer”嘅水道擴充仲可以同Alphacool GPX-Pro graphics card AIO一體式顯卡水冷相容,只要接上分別兩邊嘅Alphacool嘅「快拆式」接頭就可以啦!

小編見到Alphacool咁細心嘅設計,提供住「快拆式」接頭俾用家去延伸擴充性,真係好令用家可以好理想咁將最高嘅效能都係呢套水冷上面發揮出黎!

而傳統嘅一體式水冷上面,你真係除左換風扇之外都冇咩改裝或性能提升可言,但“Eisbaer”就唔同啦,俾到唔少選擇你去為你嘅水冷去做呢樣野~

 

風扇

“Eiswind”風扇係以高風壓為賣點,藉住貫穿冷排,專為冷排而設嘅風扇。呢兩把風扇都係以1100RPM運行,而隨包裝提供嘅Y形PWM分流器都可以讓底板的PWM控制器或第三方PWM控制器對風扇進行PWM風速控制。

呢兩把風扇都係好岩用係冷排呢d對風扇咁有要求嘅地方。我諗有要求嘅朋友都會鍾意呢把風扇又寧靜但又夠風壓打穿冷排嘅定位設計~

 

水道接頭

所有水道接受都係用最為廣泛使用嘅G1/4接頭,而且所有接頭都係可以換嘅,姐係例如果你想換硬管都冇問題架,因為所有水冷接頭扭紋位都係係G1/4大細~

接頭都係其中一個自組水冷嘅重要元素,令到我地眼前呢隻”Eisbaer”更加獨特,基本上我地可以將呢隻水冷入面每一樣野都可以換上唔同嘅組件,發揮佢嘅擴充性特點!!

 

水泵

水泵方面係用上Alphacool DC-LT Ceramic Ultra Low Noise水泵,外面都有得賣嘅。呢個水泵係可以好寧靜咁運作之餘,仲係用緊大約7-12V電,直接係底板上面取電都可以。

水泵仲係用軟膠去固定,仲有吸震吸音嘅效果。而拋光左嘅銅製底部亦可以保證最理想嘅導熱散果~

除此之外,水冷頭上面仲有發光嘅Alpahcool Logo,可以照亮自組電腦用家嘅電腦機箱!

“Eisbaer”唔止係效能上有著極效嘅發揮,仲可以係各方面包括裝飾,降低聲噪方面都有著完美嘅演示同效果~

待續至測試~

數碼領域

NETGEAR全新推出強勁的WiFi 6E Mesh 系統 Nighthawk MK92

數碼領域
2024-03-14 0
NETGEAR全新推出強勁的WiFi 6E Mesh 系統 Nighthawk MK92   Nighthawk MK92三頻WiFi系統可爲高達5,000呎*的家居環境 解鎖高達5.7Gbps的速度 NETGEAR®,Inc.(納斯達克股票代碼:NTGR)是一家屢獲殊榮的領先品牌,爲簡化 ...

雲端及AI應用資安風險增 CloudMile推資安管理解決方案 簡化混合多雲風險管理 助企業抵禦資料外洩

數碼領域
2024-03-14 0
雲端及AI應用資安風險增 CloudMile推資安管理解決方案 簡化混合多雲風險管理 助企業抵禦資料外洩   隨著數碼轉型日漸普及,如何做好資訊安全風險管理,成為企業最主要的挑戰。亞洲領先的人工智慧與雲端服務供應商「CloudMile萬里雲」推出專為企業客戶而設「資安管理解決方案」,特別針 ...

Be the first to comment

發表迴響

這個網站採用 Akismet 服務減少垃圾留言。進一步了解 Akismet 如何處理網站訪客的留言資料